性格決定命運：姑勿論如何抉擇，都是自己終身的問題唯一…只有迎合所需吧！
在人世間好人有幾多問心吧！
人格：三歲定八十，人格，有D多D，有D少D…最後投票抉擇吧。
:「和諧唔係一百個人講同一說話，和諧係一百個人有一百句唔同說話之餘，而又互相尊重。」
當任何人有特別問題時：作為討論、評論，都要絕對公平、公正、公開。
？：問題出在未知（小強）有哪方面性趣，還是性冷感？…如有答案更好討論！
不過亦可來個前設：如若仍有女性性趣，即自慰有高潮之類。
前設：對女性性趣，冷感更反感，對女性性趣絕對沒有絲毫感覺。
momo 日記
======================================================
局部變性 得不到改變性別權利 力爭第三性名份小強：我是X 31/7/2013
？：問題出在未知（小強）有哪方面性趣，還是性冷感？…如有答案更好討論！
不過亦可來個前設：如若仍有女性性趣，即自慰有高潮之類。
前設：對女性性趣，冷感更反感，對女性性趣絕對沒有絲毫感覺。
http://hk.apple.nextmedia.com/news/art/20130731/18357364
■一直誤會自己是同性戀者的小強，兩年半前才發現自己是跨性別人士，現已切除乳房，以男性身份生活。黎樹雄攝
【跨性別心迹】
【本報訊】小強不是委曲求全的人，因不打算切除卵巢和子宮，得不到身份證上女轉男的權利，於是在其他公共領域上全力爭取「名份」：要求銀行稱呼他為先生，否則把所有存款和投資轉走；拒在表格上男和女的方格內加剔，自己畫上一格X；得悉澳洲開始承認男和女以外的「第三性」，本身是澳洲公民的他，本月初申請把護照的性別由女轉為第三性（Gender X）。
記者：張嘉雯
來自基督教家庭的小強，從小已經想當男生，「我記得7歲嗰年祈禱，我同神講：『其實我好想做男仔，如果可以做男仔就好喇。』但知道無可能，如果咁就得，咪世界大亂？」
成長過程中，他一直作男性打扮，隱藏胸前兩團肉，「有件底衫，唔會除，好似貼身嘅皮咁，沖涼先除，唔想去女洗手間，就唔飲水，少啲去，或者減低自己個『氣場』，耷低頭，好快完成就走返出嚟」。
大學畢業後，他在電視台當編導，拍攝紀錄片，因為行業風氣相對自由，加上他一直單身，身份問題沒有對他造成很大困擾，「我好努力咁喺女性身份度搵出路，男仔頭嘅女性、女強人、鍾意女仔嘅女仔咁，但都搵唔到。」
讀男跨女自傳開竅
直至28歲那年，他為一個女孩心動，生活出現翻天覆地的改變，「人人都覺得我係les（lesbian），我都以為自己係，但又覺得唔係好fit in，同埋我諗，如果我係，咁我係咪得罪咗神呢？好唔開心，justify唔到自己有嗰種感情存在，覺得自己係大罪人，想死，但基督徒又唔可以死。」
表白遭拒，小強承受失戀之苦，想過了結餘生，「情緒好波動，外面個世界好似同我無關係咁，處理唔到生活嘅嘢，出面發生乜嘢事我都react唔到，或者react得好慢」。
失焦狀況持續數年，直至兩年半前他偶然看到一本講述日本男跨女、現職模特兒所寫的自傳──《我是男校畢業的女生》，才恍然大悟。「開心到不得了，成個人通晒，好想同全世界講，打電話畀啲好耐冇見嘅朋友話佢哋知，又約人出嚟食飯講，成個人清晰咗好多」。
■小强（右）童年穿上裙子，與哥哥在海灘合照。被訪者提供圖片
■小強十六歲生日時仍然留着長髮，升讀澳洲大學才全面作男性打扮。
■三歲時小強已發現自己有做男生的傾向，但沒有認真面對。
要求銀行改稱先生
他形容，因資訊不足，一度與「跨性別」擦身而過。今年35歲的他，已完成切除乳房手術，但切除卵巢、子宮，以及陰莖重建手術，他不打算做，「上身風險細啲，我都比較介意啲，身體跟咗我咁多年，唔想改咁多，我𠵱家搵到自己已經好開心，想好好生活落去，𠵱家我有醫生紙，可以入男廁，係轉唔到身份證箒。」
完成手術後，他改了自己的中文名，又下定決心為自己爭取「名份」，首個目標是銀行和強積金公司，「任何人將女性嘅身份加諸我身上，我都好唔鍾意，啲人嗌我小姐，我都好唔舒服，覺得好哽耳，咁我咪逐間（銀行）打去，話自己有病（性別認同障礙），叫佢哋打嚟又好，書信往來都好，改做Mr.或者唔使稱呼我都得」。
結果7間公司中，只有一間不成功，「有間MPF公司改唔到，咁我咪轉走晒啲錢囉，無謂你難做、我難受」。
護照申請「第三性」
本身是澳洲公民的他，本月初更進一步，申請把澳洲護照上性別一欄由「女」轉為第三性（Gender X）。當地上月1日通過讓民眾自由選擇性別，包括「男性」、「女性」或「性別不明、雙性或未指定性別」，澳洲居民只需有醫生或心理學家的書面證明便可獲承認為X性別。
本報向多家本港銀行查詢，了解跨性別員工可否穿着另一性別的制服、機構內是否設有中性（Unisex）設施、跨性別客人是否可以選擇另一性別稱呼。
渣打銀行表示，已於幾個主要市場包括香港、新加坡、英國和美國成立LGBT員工網絡，今年香港把員工醫療福利由配偶延伸至員工的固定伴侶，包括同性伴侶。中銀香港表示，客戶如欲更改個人資料，會按資料性質而要求客戶提交有效的相關證明文件。匯豐銀行未有回覆查詢。
ini Leung · Kwun Tong, Hong Kong
支持小強!! 他清楚自己的方向, 知道自己想要的是什麼!!
每個人的人生是自己在過, 只要大家彼此尊重就OK!
相信小強都十分希望自己一出生就是男生,
如一般常人, 郤事與願違!
換來的是, 從小就要對性別產生疑問, 抗拒, 懷疑, 接受後又擔心家人的看法......
大家有想像過當中的困難嗎? 不要把別人的難處看太輕!!!!!
回覆 · 2 · 讚 · 追蹤貼文 · 25 分鐘前
Carolina Nunes
但係個樣真係好似男仔囉！
回覆 · 12 · 讚 · 追蹤貼文 · 10 小時前
王子丹尼 · 留言最多的人
YES！佢変得好成功！！: )
(man過我喎！:P)
回覆 · 6 · 讚 · 編輯紀錄 · 9 小時前
Kwok Chen · 留言最多的人 · Hong Kong
王子丹尼 只係切左上身...望上去仍是怪怪的
回覆 · 讚 · 8 小時前
王子丹尼 · 留言最多的人
但下身着住褲辺会有人睇到啫?! : )
(除非着泳褲或好緊身の褲先会覚啫:P)
回覆 · 讚 · 8 小時前
還有 2 個留言
Chan Kitwa · City University of Hong Kong
咁你返澳洲啦！第三性別？要變就變成真男人！今日如果准許你可以咁做，他日也可准許人獸合體！到時世界大亂。
回覆 · 5 · 讚 · 追蹤貼文 · 8 小時前
Jen Chan · 留言最多的人 · Winchester, California
先知出現啦!!
對未發生既事可以咁肯定知道結果會點, 仲唔係先知? 一定唔會係on9啦!!!
聽晚六合彩開咩號碼? 要全中個隻喎! 先知!!!!!
回覆 · 13 · 讚 · 7 小時前
Iateur Apple · 追蹤 · 留言最多的人 · 重口味妹妹系高級研究所
點解今日准許第3性別，他日就會出現人戰合體既呢？邏輯喺邊度呢？先知！
回覆 · 19 · 讚 · 7 小時前
Kwok Chen · 留言最多的人 · Hong Kong
變到亂晒龍, 一陣有個男人唔想要性器官, 咪變多一種無性人..
回覆 · 讚 · 7 小時前
還有 4 個留言
Chi Keung Mak · 留言最多的人 · Sun Yat-sen University
就算造埋假啫啫，性染色體都是XX，在醫學上妳一世都是女人!
回覆 · 4 · 讚 · 追蹤貼文 · 4 小時前
Chic Lam · 留言最多的人 · 第一視頻－Marketing Manager
就咁睇佢真係唔似女性。可能打左男性荷爾蒙!!
回覆 · 1 · 讚 · 追蹤貼文 · 約 1 小時前
王子丹尼 · 留言最多的人
yes, 佢一定有服用男性賀爾蒙！: )
回覆 · 讚 · 24 分鐘前
Kwok Chen · 留言最多的人 · Hong Kong
又翻炒新聞, 好早前電視已經講過這個人啦.
回覆 · 1 · 讚 · 追蹤貼文 · 7 小時前
Shelly Camel Lok · 留言最多的人 · Kowloon, Hong Kong
Apple Daily is a lover of bisexual, homosexual and transsexual
回覆 · 讚 · 14 分鐘前
縮陽英杰 · 留言最多的人 · Pepsi 員工
變態
回覆 · 1 · 讚 · 追蹤貼文 · 2 小時前
Bee Dubdub · 留言最多的人
佢有病!!!第2性徵已經決定左佢係女仔啦,佢有能力有BB,基督徒/普通人都係罪人,上帝會因為你拒絕承認佢造你為女仔,而你死要以為自己係男人而討厭你,你放心啦
回覆 · 讚 · 追蹤貼文 · 約 1 小時前
王子丹尼 · 留言最多的人
P.S. 但佛家所講の〈善悪因果報応〉就仍然有効！！: )
回覆 · 1 · 讚 · 12 分鐘前
王子丹尼 · 留言最多的人
耶の「上帝」於今の21世紀已被証実為虚擬！因此為無効！:O
回覆 · 2 · 讚 · 編輯紀錄 · 21 分鐘前
Aries Tsang · 留言最多的人
妖怪
回覆 · 讚 · 追蹤貼文 · 7 小時前
西門 · 留言最多的人
咁佢入男廁定女廁先?
回覆 · 讚 · 追蹤貼文 · 約 1 小時前
王子丹尼 · 留言最多的人
我係男仔，我認為佢入埋嚟男廁冇問題: )
回覆 · 1 · 讚 · 19 分鐘前
麥穎嘉 · 追蹤 · 留言最多的人 · Freelance Musician/Composer－Composer
今要科學家打求TS
回覆 · 讚 · 追蹤貼文 · 6 小時前
Kelly Chung · KC Studio－Freelance arranger,producer,songwritter,mixing enginner.
打救 TS 既係自己
回覆 · 讚 · 約 1 小時前
Shelly Camel Lok · 留言最多的人 · Kowloon, Hong Kong
其實同性戀與精神病或心理病一樣，只要有適當治療，是可以康復，只不過由於政治目的，在70年代被美國為首的精神病協會定為不是病，使往後很多人得不到適當治療，所以同性戀者不應被歧視，相反要包容他們，助他們康復。
但面對提倡支持同性戀之人，祝必須嚴正對待，因為他們如同魔鬼般誘惑他人加入或認同他們，使他們有更多政治籌碼，為所欲為。更使有病之人不去治療，病情更惡劣，而無病之人成有病之人。如同一名精神病人，不接受治療，病情日益嚴重，而他身邊的人，更易患上精神病。
香港的'大愛同盟','彩虹'就是這些魔鬼中的表表者，因為他們知道他們是立在道德線上不利之處，所以他們先利用香港人對民主的渴望，打民主旗幟，要求不歧視，目的就是先壓制反同性戀之聲，往後再爭取他們想得之利益。
香港的下一代青少年原來仍然明白人倫社會道德和自然定律，而且勇於在同志運動的惡勢力下表達意見。將來若然反歧視同志立了法，可能就被迫要接納。幸好現在我們仍然有自由言論，可以表達自己的意見及立場。
回覆 · 讚 · 16 分鐘前
----
拒懷孕怕被「當係女人」31/7/2013
■周振中指現時並無數據顯示使用荷爾蒙，會令使用者「短命」
【本報訊】全球不少女跨男者（Female To Male，FTM）因健康或心理因素，決定不切除卵巢和子宮，一旦停用男性荷爾蒙，就可恢復懷孕能力，不少人擔心此狀況會引發「世界大亂」，部份國家為此拒絕讓未完成所有變性手術的人轉換性別。本身是跨性別資源中心代表的小強指，絕少女跨男者會考慮懷孕，主因是擔心被重新視為女性。
美國著名跨性別人士比提（Thomas Beatie），自小想當男兒，02年完成大部份變性程序包括切除乳房後，法律上成為男性，但因太太不育，決定負起懷孕責任，購買精子人工受孕，自2007年起三度懷孕，誕下一女兩子，引來輿論譁然。
同樣不打算做下身手術的小強，認為跨性別人士懷孕不會影響社會秩序，「點解我懷孕會令你咁擔心？就算我真係做晒全身手術，如果我保存卵子，都仲可以懷孕啦」。更重要是，跨性別人士視身份如「命根」，「你話驚小朋友唔知當我爸爸好定媽媽好，講呢啲嘢嘅人對TG（Transgender，跨性別人士）太唔了解，唔知道個身份對我哋嚟講真係好緊要，好多兄弟完全唔會諗懷孕，因為一有咗，啲人就會當我哋係女人」。
用荷爾蒙「短命」沒根據
小強現時定期注射荷爾蒙，體形變得男性化，不單長出鬍子，聲音也變低沉，對女性的性衝動亦加強，從小抗拒「被進入式」女性性行為模式的他，感覺非常良好，不會隨便停藥，亦不會容許月經重來。
雖然明知長期用藥或影響健康，但他不介意，「就算短命都好，都好過鬱鬱而終，其實如果對自己性別有懷疑嘅年輕人，都可以食藥阻止胸部發育先，到大個諗清楚想做男仔，就唔使捱一刀（切除乳房）」。
中大內分泌科主管周振中醫生指，男性和女性荷爾蒙在所有人體內同時存在，一般而言，女性的男性荷爾蒙水平是男性的十分之一。跨性別人士使用男性荷爾蒙後，身體毛髮、肌肉量均會增加、會有性幻想、性衝動，亦有可能長暗瘡及出現男性型脫髮；至於男跨女的人士，除去睾丸加上使用雌激素，肌肉量會減少、皮下和臀部脂肪增加，體形會變得女性化，但聲線較難改變。
對於長期使用荷爾蒙會「短命」的說法，周振中認為沒根據，「但係你話長期用雌激素會唔會出現好似女性服用避孕丸嘅副作用，例如靜脈栓塞，或者因為長出乳房而提高患乳腺癌嘅風險，就唔清楚，因為冇乜嘢大型數據」。
Peter Lee · Hong Kong
人格：三歲定八十，人格，有D多D，有D少D
:「和諧唔係一百個人講同一說話，和諧係一百個人有一百句唔同說話之餘，而又互相尊重。」
當任何人有特別問題時：作為討論、評論，都要絕對公平、公正、公開。
？：問題出在未知（小強）有哪方面性趣，還是性冷感？…如有答案更好討論！
不過亦可來個前設：如若仍有女性性趣，即自慰有高潮之類。
前設：對女性性趣，冷感更反感，對女性性趣絕對沒有絲毫感覺。
回覆 · 讚 · 追蹤貼文 · 於 2 秒前
Wini Leung · Kwun Tong, Hong Kong
無人希望自己會對性別產生疑問, 但現實中的確存在"跨性別",
無人希望自己天生有任何問題, 但現實中郤屢見不鮮,
每個人都希望自己一生安穩, 但誰不是經歷過起跌呢?
別看輕他人的難處, 我們應該彼此尊重!
葉梓恩(天與地) :「和諧唔係一百個人講同一說話，和諧係一百個人有一百句唔同說話之餘，而又互相尊重。」
回覆 · 2 · 讚 · 追蹤貼文 · 約 1 小時前
李健雄 · 留言最多的人
呢個世界都黐咗綫 ,男女不分
回覆 · 2 · 讚 · 追蹤貼文 · 8 小時前
縮陽英杰 · 留言最多的人 · Pepsi 員工
講乜春都好,係女人就係女人,係男人就係男人,呢係個天生既
回覆 · 1 · 讚 · 追蹤貼文 · 3 小時前
Alan Tam · 留言最多的人 · City University of Hong Kong
乜撚嘢第三性別?!?!?!
一係男, 一係女...
一係你去火星住啦, 仆街!!!
回覆 · 3 · 讚 · 追蹤貼文 · 7 小時前
Thomas Tong · 留言最多的人 · University of Sheffield
咁天生缺陷生成係雙性人果啲
回覆 · 2 · 讚 · 3 小時前
Vic Lau · 留言最多的人 · Alberta College of Art and Design
真多衛道之仕。以前都唔覺香港人咁有道德。
回覆 · 2 · 讚 · 追蹤貼文 · 2 小時前
Chun Kit · 留言最多的人
科學進步.........人類性別也出問題了......真是悲劇~~~~
食物大量化學元素,大自然被破壞,空氣質素下降,動物絕種,地球暖化等.....
這回終於來到人類~~~
男--->女
女--->男
男--->男(下)+女(上)
女--->男(上)+女(下)
回覆 · 讚 · 追蹤貼文 · 5 小時前
C Chio Wan · 留言最多的人
"跨性別人士視身份如"命根"", 咁佢哋而家冇呢個身份, 咁係咪即係冇命啦. 咪講笑啦, 有邊個夠膽保證唔會有呢D"男" 嘅為咗佢個女朋友可能話係唔想痛啊等理由叫佢去生仔架? 另小強28歲前有冇鐘意過男生呢? 如果佢28歲開始鐘意女仔嘅話. 我唔係話佢改口味有問題啊, 我只係求真啫.
回覆 · 讚 · 追蹤貼文 · 7 小時前
C Chio Wan · 留言最多的人
的而且確, 越接近男性, 係越容追到女仔嘅. 咁有人為喜歡嘅人努力掙錢, 你哋選擇用另外嘅手法咁啫呵.
回覆 · 讚 · 7 小時前
----
跨性別家庭下一代如常人 31/7/2013
■黃結梅認為社會反對對跨性別人士擁有下一代，是非理性的恐懼。
【本報訊】對跨性別人士來說，養育子女的權利比婚權更遙不可及。美國著名代妻產子的變性人比提（Thomas Beatie）經常被罵是怪物，其子女是否能健康成長，長期成為焦點；浸大社會學系副教授黃結梅則引述多項外國研究指，同性戀、異性戀、跨性別人士組織的家庭，下一代生理和心理均沒有差別，人們的反對聲音不過是出於不了解和恐懼。
黃結梅指，自1978年起，大量研究發現，同性戀、跨性別和一般異性戀者的家庭，下一代無論情緒、性別認同、性傾向均沒有差別，唯一分別只是學術表現，「因為佢哋嚟自呢啲家庭，喺學校被欺凌，學業受到影響」。
社會反對出於恐懼
她認為社會上的反對聲音，是出於非理性恐懼，「因為呢樣嘢同既有嘅秩序唔同，挑戰咗大部份人原有嘅價值，於是亂咁攞啲嘢嚟解釋，唔理實證究竟係點」。
哪W小姐是否衝擊了傳統婚姻制度？黃結梅指，婚姻制度並非一成不變，「香港1971年先有一夫一妻制，啲人會話，咁以前我啲妻妾都相處得好好㗎，點解要一夫一妻制呀？1969年美國仲係唔可以種族通婚，黑人同白人咪會搞亂晒啲血統？白人會唔會滅亡？黑人啲基因唔得㗎喎？𠵱家睇番，大家咪接受咗」。
黃結梅又指，已婚變性人可能要離婚，是「以家庭的名義拆散家庭」，「將跨性別人士同佢哋屋企人嘅利益放喺對立面，佢哋嘅家人會諗，你為咗變性，連婚姻都不顧。」她解釋，性別認同障礙是生理狀態，並非個人可以控制，家人必須理解，強調即使家庭成員的打扮或身體轉成另一性別，但其核心不會改變，「佢仍然係同一個人嚟」。
Peter Lee · Hong Kong
民主：因此才有公開的表決，不要爭論以多數為勝。
回覆 · 讚 · 追蹤貼文 · 於 2 秒前
Peter Lee · Hong Kong
人格：三歲定八十，人格，有D多D，有D少D
:「和諧唔係一百個人講同一說話，和諧係一百個人有一百句唔同說話之餘，而又互相尊重。」
當任何人有特別問題時：作為討論、評論，都要絕對公平、公正、公開。
？：問題出在未知（小強）有哪方面性趣，還是性冷感？…如有答案更好討論！
不過亦可來個前設：如若仍有女性性趣，即自慰有高潮之類。
前設：對女性性趣，冷感更反感，對女性性趣絕對沒有絲毫感覺。
回覆 · 讚 · 追蹤貼文 · 於 2 秒前
縮陽英杰 · 留言最多的人 · Pepsi 員工
狗up咁多野,都係想為基佬家庭收養兒童開路
回覆 · 讚 · 追蹤貼文 · 4 小時前
Chan Kitwa · City University of Hong Kong
簡直荒謬絕論，研究已指出在這些家庭長大的孩子成績已比一般差，情緒已較低，但究歸咎比人欺凌。這就是因為遺反道德已成的家庭環境長大，誰是父母也分不清，錯的環境，錯的價值觀伴他們成長，那麼，很大機會不被同學接納。那麼，還說同性家庭無問題？
回覆 · 2 · 讚 · 追蹤貼文 · 9 小時前
Silver Wong · 追蹤 · 留言最多的人 · Hong Kong
搞笑, 比人欺凌原來係佢既錯, 而唔係欺凌人既錯? 咁你同講比人強姦係因為佢著得太暴露有咩分別?
回覆 · 21 · 讚 · 8 小時前
管妖 · 留言最多的人 · 耕莘健康管理專科學校
這已經是事實，已經有多元家庭出現了
現在已經不是要你贊不贊同，而是接受一個事實
看來，容不容的下多元社會，是您的氣度吧
會這麼激動的說出簡直荒謬結論，你應該也很恐懼吧
回覆 · 3 · 讚 · 6 小時前
Esther Chow · 新紀元學院
荒謬的是你吧？你的邏輯不就是：黑人長得黑，別人欺壓他們、霸凌他們，是因為他們的問題，在錯誤的世界成長，生出錯誤的皮膚，活該被人欺負而不是壓迫者的問題
回去多看書，多瞭解這個世界，整理好思緒，這才不會莫名其妙恐同，也可以去查查婚姻制度是近代的產物，而不是“天生”的，那是一種人創建的制度！
家庭可以很多元，不要人云亦云，說不出個所以然還白目支持、歧視
絕對贊成silver Wong的言論
回覆 · 7 · 讚 · 6 小時前
還有 3 個留言
Benson Ma · 青衣員工
黃結梅！你嘅理論如你所言是「亂咁攞啲嘢嚟解釋」。
回覆 · 讚 · 追蹤貼文 · 約 1 小時前
----
男仔頭常遭欺凌 穿校裙生不如死 1/8/2013
「學校冇人理解 世界得番自己」
■有性別認同障礙的學生，在校園得到的支援有限。設計圖片
【跨性別心迹】
【本報訊】校園強調一致，容不下所謂的「標奇立異」，所以小學時代，總有瘦小男生被同學逼入廁格「驗明正身」；每個班房，總有一、兩個被呼為「乸型」或「男人婆」的同學。從小自覺是男孩的Rocky，每次穿校裙都感到生不如死，又因男性打扮，常被同學欺負，所以長期孤立自己。Rocky正準備切除乳房。已中學畢業的他直言，如果命運可以重來，會回到校園爭取穿男生校服。
記者：張嘉雯 陳凱迎
「如果我係男仔，就可以同男仔踢波，入咗波又可除衫慶祝。」20出頭還在念書的Rocky天生是女孩，但從小就幻想自己是男生，最愛看超人和足球明星，現在唇上有細密汗毛，但一臉是膿疱。小子說，這是吃荷爾蒙藥的代價，可以換來沉厚聲線，他覺得值得。
性格內向不擅表達
Rocky不明白為甚麼女生只能打排球，男同學才可踢波，在發育期越來越感到「唔對路」，開始跟性徵對抗，刻意壓低聲線，掩飾乳房，搭𨋢時會和身邊的男性比高度、比手臂粗幼，問媽媽怎樣可以令唇毛長得更粗壯。
Rocky自言性格內向，不擅表達自己，在校園唯一值得高興的事，是被選為班長後，同學都稱呼他「男班長」，「不過都有俾男同學恰，佢哋覺得好奇怪，點解有個女同學着住校服裙，但係又咁男仔頭，動作咁粗魯㗎呢？佢哋咁對我，我都覺得唔舒服」。
他直言，當時壓抑得很辛苦，「學校完全冇人理解，好似全世界得番自己一個人咁，成日都匿埋自己，其他同學會傾好多嘢，但我唔敢同佢哋溝通」。
轉校逼自己做「女仔」
一次Rocky在堂兄婚禮上以男裝示人，觸發家庭大戰，「啲親戚個個讚我靚仔，我自己好開心，但阿媽塊面黑晒，返到屋企係咁喊。」家人知道他的想法，罵他違反自然，父親也流淚，「佢哋話擔心我搵唔到嘢做，『你咁矮做男仔，會俾人傷害，俾人非禮』」。
為此，中六那年，Rocky轉到另一間學校，嘗試逼自己做個「正常人」，「一心一意想拗番自己做女仔，學習接受自己，壓抑自己內心想做男仔嘅思想。留長髮，買過一件貼身T-shirt女裝衫，着咗好核突，好似扮緊另一個人咁，Grad din又逼自己着裙，但前一晚好唔開心，好焦慮，成日喺度喊」。
變性評估服荷爾蒙
直至讀到報紙上跨性別資源中心負責人Joanne的專訪，他終於釋懷，「好似搵番同路人咁，佢講自己好抑鬱，會想死，我都好覺，第一次睇嘅時候真係流晒眼淚」。自此他剪掉長髮，作男性打份，去年中到醫生處接受變性評估，又服用男性荷爾蒙。
家人雖然不願意，但明白他的堅持，也沒再勸阻，「我𠵱家keep住驗血，雖然多咗暗瘡，情緒容易嬲啲，但把聲沉咗好多，舒服好多，同番中四、中五嗰陣好抑鬱嚟比，𠵱家係開心好多，心理狀況好好多」。他已下定決心，準備切除乳房，「發育時期已經開始好唔鍾意個胸，突咗出嚟好核突，阻住晒，之前成日駝背，好想好似其他男仔咁除衫，又好憎M到，比其他女性痛苦，肚痛得好犀利」。
----
教局無指引 學校支援少 1/8/2013
■潘宇軒指師長責備有性別認同障礙的學生，會對他們造成傷害。王子俊攝
【本報訊】年輕跨性別個案在歐美常見，生活在美國科羅拉多州的6歲小孩Coy Mathis，早在4歲時已確認一顆女兒心錯生男兒身，獲准將身份證上的性別由男變女；本港則規定18歲以上人士才可接受變性前精神評估。有學者指，不少這類學生因不想受欺凌或被老師誤解標奇立異而逃避上學，認為教育界應加強對此議題的認識，學校亦可訂立針對性的政策，令學生安心學習。
年齡與重置性別無關
Coy最喜歡穿花裙，曾因不想被打扮成男孩而拒絕外出，又經常問父母何時才讓「他」求醫變成真正的女生。4歲時Coy通過心理專家評估，獲准把身份證性別由男變女，學校卻不准Coy用女廁，結果鬧上法庭，Coy終獲使用女廁權利。
英國和德國均有個案在12歲開始接受荷爾蒙治療，並於16歲時接受手術變性，前者在泰國開刀，後者則成功游說醫生破例在德國為未滿18歲人士變性。
樹仁大學法商系系主任趙文宗認為，年齡與一個人是否適合重置性別並無必然關係，「法例規定16歲先可以結婚，係為咗人口規劃，唔等如16歲就一定有能力承擔婚姻責任」。
因怕被欺凌逃避上學
中大教育系研究助理潘宇軒指，不少性別認同障礙症患者早於青年期已意識問題，但一般教師會認為這些學生標奇立異，「有啲老師一聽到，就回一句：『你喺度搵藉口箒。』呢啲咁難開口嘅嘢，個學生肯同老師講，但得到嘅回應係咁，令佢哋好大傷害，對成年人失去信任」。
潘宇軒指，有學生因不想被欺凌而逃避上學，甚至輟學，「唔返學，唔會讀好書，難以貢獻社會，加上佢哋長期壓抑身份，可以預期佢哋喺好多地方發揮唔到，個社會損失都好大」。
現時教育局未有就學生的性別身份認同發出指引，只表示在照顧學生的個別需要時，校方須遵守平等機會的原則，並按校本情況作出安排。潘宇軒表示，有師訓機構提供與性別議題有關的課程，但並非必修科，「呢啲課程會邀請性小眾親身同老師分享，好多老師上完堂講番，都話之前以為啲學生係想突出自己或者兒時受過創傷，所以『變態』，唔知道日常啲學生貪玩整吓同學，對佢哋都係好深刻嘅傷害」。
潘宇軒解釋，跨性別同學面對的困難主要圍繞校服、校園設施和男女分堂，但絕少學校讓學生穿另一性別的校服；廁所方面，他建議把校園內供殘疾人士使用的廁所改為中性廁所，「有啲學生可能忍好耐，等人哋小息完咗先去，結果搞到遲咗上堂」。他認為學校可安排一位老師，甚至一個小組接受訓練，關注這類同學，至少表達精神支持。
沒有留言:
張貼留言